ჩვენი გუნდი ქმნის ინდივიდუალურ, თქვენი საქმიანობის მასშტაბსა და კომპლექსურობაზე მორგებულ დოკუმენტაციასა და პროცესებს, რომლებიც სრულად აკმაყოფილებს კანონმდებლობის მოთხოვნებს:
1. ბიზნესზემოქმედების ანალიზი (BIA) და კრიტიკული ფუნქციების იდენტიფიცირება
კრიტიკული პროცესებისა და მხარეების რუკის შედგენა: შიდა და გარე კრიტიკული პროცესების, სისტემებისა და მომწოდებლების (მათ შორის აუთსორსინგული კომპანიების) განსაზღვრა.
წყვეტის დასაშვები ზღვრების (RTO / RPO) დაწესება: საოპერაციო შეფერხებებისა და მონაცემთა დაკარგვის მაქსიმალური დასაშვები ლიმიტების დადგენა.
კრიტიკული სცენარების მოდელირება: საგანგებო სიტუაციების, სისტემური მწყობრიდან გამოსვლისა და კიბერშეტევების სცენარების დამუშავება.
2. ბიზნესუწყვეტობის (BCP) და საინფორმაციო ტექნოლოგიების აღდგენის გეგმა (DRP)
IT ინფრასტრუქტურის აღდგენა: კატასტროფისგან აღდგენის დეტალური DRP პროტოკოლების შექმნა, მონაცემთა სარეზერვო ასლების (Backup) ავტომატიზაცია, მათ ნამდვილობასა და უცვლელობაზე კონტროლი.
ჩანაცვლებადობის მექანიზმები: კრიტიკულ საქმიანობაზე პასუხისმგებელი პირების/თანამშრომლების შემცვლელთა განსაზღვრა და მათი ოპერატიული ხელმისაწვდომობის უზრუნველყოფა.
სარეზერვო არხები და ინციდენტების მართვა: საგანგებო სიტუაციებში კომუნიკაციისა და ოპერაციების გაგრძელების დეტალური სამოქმედო გეგმა.
3. საოპერაციო და ტექნოლოგიური რისკების მართვის ჩარჩო
მონაცემთა დაცვა და ავთენტიფიკაცია: მომხმარებელთა პაროლების, უნიკალური იდენტიფიკატორებისა და ავთენტიფიკაციის მონაცემების უსაფრთხო შენახვა/გადაცემის სტანდარტიზაცია.
ხელით შესრულებული პროცესების კონტროლი: ადამიანური ფაქტორით გამოწვეული შეცდომებისა და თაღლითობის რისკების მინიმიზაცია.
მონაცემთა სიზუსტე და მთლიანობა: საინფორმაციო სისტემების გამართულობისა და მონაცემთა ცენტრალიზებული შენახვის მექანიზმების გამართვა რეალურ დროში.
რას იღებთ ჩვენთან თანამშრომლობით?
მზა დოკუმენტაციასა და პროცესებს: სრულად გაწერილ პოლიტიკა-პროცედურებს, სამოქმედო სახელმძღვანელოებსა და ინსტრუქციებს პერსონალისთვის.
100%-იან მზაობას აუდიტისთვის: კანონმდებლობით გათვალისწინებული 12-თვიანი სავალდებულო დამოუკიდებელი აუდიტორული დასკვნის უპრობლემოდ მიღების გარანტიას.