მნიშვნელოვანი ცვლილებები VASP სექტორისთვის საქართველოში!

საქართველოს ეროვნულმა ბანკმა ვირტუალური აქტივის მომსახურების პროვაიდერებისთვის (VASP) მარეგულირებელი ჩარჩო მნიშვნელოვნად გააფართოვა.
2026 წლის 26 აგვისტოს ცვლილებები შევიდა VASP-ის რეგისტრაციის, რეგისტრაციის გაუქმებისა და რეგულირების წესში. ცვლილებების მთავარი ფოკუსია რისკების მართვა, ფინანსური მდგრადობა, კიბერუსაფრთხოება და საოპერაციო მდგრადობა.
💡 რა იცვლება?
▪ საზედამხედველო კაპიტალი: შემოდის მინიმალური საზედამხედველო კაპიტალის მოთხოვნა — 150,000-დან 350,000 ლარამდე (მომსახურების სახეობის მიხედვით).
▪ რისკების მართვის ჩარჩო: სავალდებულო ხდება საქმიანობის მასშტაბისა და სირთულის შესაბამისი რისკების მართვის სისტემა (იდენტიფიცირება, შეფასება, მონიტორინგი, ანგარიშგება და შემცირება).
▪ საოპერაციო მდგრადობა და კიბერუსაფრთხოება: განსაკუთრებული ყურადღება ეთმობა ტექნოლოგიური ინფრასტრუქტურის მდგრადობას, თაღლითობისა და ბოროტად გამოყენების რისკების მართვასა და საქმიანობის უწყვეტობას. ▪ პერიოდული ტესტირება: წესდება შეღწევადობის ტესტირებისა (Penetration Testing) და სისუსტეების სკანირების სისტემატური ჩატარების მოთხოვნა.
▪ ახალი სერვისების დამატება: პროვაიდერის მიერ ახალი სახის ვირტუალური აქტივის მომსახურების განხორციელება ეროვნული ბანკის წინასწარ თანხმობას დაექვემდებარება.
▪ სტაბილური ვირტუალური აქტივები (Stablecoins): პირველადი შეთავაზებისთვის განისაზღვრა დამატებითი მოთხოვნები კორპორაციული მართვის, საზედამხედველო კაპიტალის, აუდიტორული დასკვნისა და შეთავაზების დოკუმენტის (Whitepaper) მიმართულებით.
⏳ მნიშვნელოვანი ვადები:
📌 2027 წლის 1 ივლისამდე — უკვე რეგისტრირებულმა პროვაიდერებმა უნდა უზრუნველყონ რისკების მართვის ახალ მოთხოვნებთან შესაბამისობა;
📌 2027 წლის 1 სექტემბრამდე — უკვე რეგისტრირებულმა პროვაიდერებმა უნდა უზრუნველყონ მინიმალური საზედამხედველო კაპიტალის მოთხოვნებთან შესაბამისობა;
📌 2028 წლის 1 იანვრამდე — ეროვნულმა ბანკმა უნდა უზრუნველყოს არსებული პროვაიდერების შესაბამისი ინდივიდუალური აქტებისა და ჩამონათვალის ახალ მოთხოვნებთან შესაბამისობაში მოყვანა.
🎯 როგორ მოვემზადოთ ცვლილებებისთვის?
ახალი რეგულაცია VASP სექტორში ფინანსური და ტექნოლოგიური მდგრადობის სრულიად ახალ, უფრო მაღალ სტანდარტს აყალიბებს. ახალ მოთხოვნებთან შესაბამისობის უზრუნველყოფა კომპლექსური პროცესია, რის გამოც მზადების დროულად დაწყება კრიტიკულად მნიშვნელოვანია.
🤝 LC HUB (Legal & Compliance Hub) გთავაზობთ სრულ იურიდიულ და AML/Compliance მხარდაჭერას. მათ შორის, უზრუნველვყოფთ შეღწევადობის ტესტირებას (პენტესტებს) და თქვენი პროგრამული/ტექნოლოგიური სისტემების ახალ სტანდარტებთან შესაბამისობაში მოყვანას.
ჩვენი გუნდი მზადაა გაგიწიოთ ყველა საჭირო მომსახურება, რათა თქვენმა კომპანიამ მშვიდად, შეუფერხებლად და დროულად დააკმაყოფილოს ეროვნული ბანკის ახალი მოთხოვნები.