AML/CFT, იურიდიული და IT გადაწყვეტილებები ფინანსური და AML-რეგულირებადი ბიზნესისთვის
LC HUB წარმოადგენს საკონსულტაციო გუნდს, რომელიც ორგანიზაციებს სთავაზობს პროფესიულ მხარდაჭერას ფულის გათეთრების წინააღმდეგ ბრძოლის (AML), ტერორიზმის დაფინანსების აღკვეთის (CTF) და საერთაშორისო ფინანსური სანქციების, რეგულატორული შესაბამისობისა და ბიზნესის სამართლებრივი მხარდაჭერის მიმართულებით. ჩვენი უპირატესობა AML, იურიდიული, რეგულატორული და თანამედროვე IT ექსპერტიზის სინერგიაშია. ინტეგრირებული მიდგომით უზრუნველვყოფთ ML/TF და სანქციებთან დაკავშირებული რისკების ეფექტიან მართვას, რეგულირებადი ბიზნესების სამართლებრივ და რეგულატორულ მხარდაჭერას როგორც საქმიანობის დაწყებისა და ლიცენზირების/რეგისტრაციის ეტაპზე, ისე შემდგომი საქმიანობის პროცესში, ბიზნესპროცესების ოპტიმიზაციასა და მათ სრულ ციფრულ და ავტომატიზებულ ტრანსფორმაციას.
ვრცლად
დამფუძნებელი & მმართველი პარტნიორი. AML/CTF შესაბამისობის მიმართულების ხელმძღვანელი
სერტიფიცირებული AML სპეციალისტი (CAMS) ფინანსურ სექტორში 20 წლიანი გამოცდილებით. სპეციალიზაციით: AML/CTF რისკების მართვა და კომპლექსური Compliance, ფინანსური დანაშაულის პრევენცია, საერთაშორისო ფინანსურ სანქციებთან შესაბამისობა, კრიპტოაქტივების (VASP) რეგულირება და ავტორული AML/CTF პროფესიული ტრენინგები.
დამფუძნებელი & მმართველი პარტნიორი
იურისტი და ადვოკატი, 20-წლიანი პროფესიული გამოცდილებით ბიზნესის სამართლებრივი მხარდაჭერისა და რეგულატორული შესაბამისობის მიმართულებით. მისი პრაქტიკა მოიცავს კორპორაციულ და ბიზნეს-სამართლებრივ საკითხებს, ასევე რეგულირებად სექტორებში საქმიანობის სამართლებრივ მხარდაჭერას. მრავალწლიანი გამოცდილება ფინანსურ სექტორსა და რეგულატორულ გარემოში მოიცავს AML-ის, FinTech-ისა და კრიპტოაქტივებთან დაკავშირებულ სამართლებრივ და რეგულატორულ საკითხებსაც.
ტექნოლოგიების სწრაფ განვითარებასა და კრიპტოაქტივების პოპულარობის ზრდასთან ერთად სულ უფრო რთული და დახვეწილი ხდება ფინანსური დანაშაულის სქემებიც. ციფრული აქტივების სისწრაფე, ტრანსსასაზღვრო ბუნება და ფსევდო-ანონიმურობა თაღლითებისა და კრიმინალური ჯგუფებისთვის ახალ შესაძლებლობებს ქმნის: ფულის გათეთრებას, ტერორიზმის დაფინანსებას, სანქციების გვერდის ავლასა და სხვადასხვა სახის თაღლითობას. სწორედ ამიტომ ფულის გათეთრების წინააღმდეგ ბრძოლის (AML) სისტემები მუდმივად უნდა ვითარდებოდეს და ახალ რისკებს ფეხს უწყობდეს.
ბევრი მომხმარებელი, რომელიც კრიპტო ბირჟაზე ან სხვა ვირტუალური აქტივების მომსახურების პროვაიდერთან (VASP) რეგისტრირდება, აწყდება AML შემოწმებას და ხშირად ფიქრობს, რომ ეს ზედმეტი ბიუროკრატიაა. სინამდვილეში, AML Check ფინანსური სისტემის დაცვის ერთ-ერთი მთავარი მექანიზმია. ამ სტატიაში განვიხილავთ, რა ეტაპებისგან შედგება შემოწმება და რატომ არის ის მომხმარებლის ინტერესებშიც. „რეალურად ამ პროცესის მიზანი მომხმარებლის დაცვაა და არა მისთვის ხელის შეშლა.” — თამარ რატიანიძე, CAMS, LC HUB-ის დამფუძნებელი და მმართველი პარტნიორი
კრიპტოაქტივების ერთ-ერთი თავისებურება ისაა, რომ ყველა ტრანზაქცია ბლოკჩეინზე ფიქსირდება. ეს ნიშნავს, რომ შესაძლებელია თანხის მოძრაობის კვალის აღდგენა, თუნდაც ის რამდენიმე საფულეს გავლით იყოს გადარიცხული. ამიტომ AML შემოწმების დროს მნიშვნელოვანია არა მხოლოდ ის, ვინ არის მომხმარებელი, არამედ ისიც, საიდან მოდის მისი კრიპტოაქტივები. „დიახ, ვითვალისწინებთ, განსაკუთრებით მაშინ, როდესაც რამდენიმე სხვადასხვა wallet-ში გადარიცხვის მიზანი ე.წ. მიქსერში გატარებაა. რამდენიმე wallet-ის გავლა ერთმნიშვნელოვნად არ ნიშნავს დარღვევას, თუმცა, თუ blockchain analytics-ის შედეგად იკვეთება mixer-თან კავშირი, საჭირო ხდება ამ კონკრეტული კრიპტო ტრანზაქციის გაძლიერებულად შესწავლა.” — თამარ რატიანიძე, CAMS, LC HUB-ის დამფუძნებელი და მმართველი პარტნიორი
